Fix My India

சக்கரங்கள் சுழலுகின்றன ...

2011-02-26T23:21:00.001-08:00

*

பதிவுலகிறகு வந்த பின் செய்த சில பிடித்த விஷயங்களில் ஒன்று
மத்திய அரசு நடத்தும் ஒரு குறை தீர்க்கும் இணையப் பக்கத்தைக் கண்டுபிடித்து அதற்கு எழுதிய சில கடிதங்கள். அது பற்றி மேலும் தெரிந்து கொள்ள இப்பதிவுகளைப் பாருங்கள்:

245. உங்கள் எல்லோருக்கும் ஒரு வேண்டுகோள்

246. மீண்டும் ஒரு வேண்டுகோள்

248. வாருங்களேன் .. தொடருவோமே இந்த ‘விளையாட்டை’

//Reply for your e-mail dated 17.09.2007 about Samayanallur-Paravai-Madurai// மூன்றே கால் ஆண்டுகளுக்கு முன் எங்கள் பகுதியில் உள்ள நெடுஞ்சாலையில் உள்ள குறைபாடு பற்றி எழுதியிருந்தேன். அந்தக் கடிதம் உடனே மதுரை காவல் துறைக்கு அனுப்பப்பட்டதாக ஒரு கடிதம் பெற்றேன்.

கால ஓட்டத்தில் நாங்கள் மிகவும் எதிர்பார்த்த இரு விஷயங்களில் ஒன்றான சாலை அகலப்படுத்தும் பணி சமீபத்தில் நானகைந்து மாதங்களுக்கு முன்பு நடந்து முடிந்தது.

இன்னொன்று, இப்பக்கத்தில் மதுரை - திண்டுக்கல் இடையே செல்லும் பேருந்துகளின் ’புத்திகெட்ட’ ஓட்டுனர்களின் மனதில் கொஞ்சம் புத்தி. இதை சட்டத்தால் ஏதும் மாற்ற முடியாது. சாலையில் செல்வோரைப் பற்றிய சிந்தனை ஏதும் இல்லாமல் மகா முரட்டுத்தனமாக சாலையின் வலது ஓரம் வரை தங்கள் வாகனங்களை ஓட்டி எல்லோரையும் நடுங்க வைக்கும் அரக்கத்தனம் இந்த காட்டுத்தனமான ஓட்டுனர்களின் புத்தியில் உரைக்க வேண்டும். அதுவும் ’நல்லமணி’ என்ற பெயரில் ஓடும் பேருந்துகளின் ஓட்டுனர்கள் எப்படி பிறந்தனரோ, வளர்ந்தனரோ ... எந்த சாலை விதிகளையும் கண்டுகொள்ளாமல் அவர்கள் சாலைகளில் சீறிச் செல்வது எவரையும் மிரள வைக்கும். அதற்காக மற்ற பேருந்து ஓட்டுனர்கள் எல்லோரும் புண்ணியவான்களல்ல. அரசுப் பேருந்து ஓட்டுனர்களில் பலரும் அரக்கர்களே. ஆனால் இவர்களைச் சட்டம் ஏதும் மாற்றாது. அவர்களின் மர மண்டைகளில் தானே சில ஒழுங்குகள் ஏறவேண்டும். அது எப்போது நடக்குமோ தெரியவில்லை.

எப்படியோ ... 2007-ல் மத்திய அரசின் குறைதீர்க்கும் இணையப் பக்கத்தில் எழுதிய மடலுக்கு சமயநல்லூர் காவல் நிலையத்தில் இருந்து நேற்று ஒரு காவலர் என்னைக் காண தொடர்பு கொண்டார். நான் சொன்ன நேரத்தில் மிகச் சரியாக வந்து என் மடல் தொடர்பான கோப்பைக் காண்பித்தார். மத்திய அரசு --> முதலமைச்சர் அலுவலகம் --> மதுரை காவல்துறை --> சமயநல்லூர் காவலகம் என்று வந்து சேர்ந்துள்ளது.

கேட்ட முக்கிய கோரிக்கை சாலை அகலப்படுத்துவது. அதுவும் நடந்தேறி விட்டது ( என் மடலால்! ) என்று நினைத்துக் கொண்டு என் கோரிக்கை நிறைவேறிவிட்டதைக் கூறி ஒரு கடிதம் கொடுத்தேன் ... சுபம்!!!

ஆக, கல்லெறிந்தால் காய் விழுகலாம் என்ற நினைப்பை உங்களுக்கு மீண்டும் நினைவு படுத்தி ... வாருங்களேன் .. தொடருவோமே இந்த ‘விளையாட்டை’ என்று அழைக்கிறேன்.

இதுபோன்ற குறைகளை அவ்விணையப் பக்கத்தில் எழுதி அதன் பின் நம் தொகுப்பாக இருக்கட்டும் என்ற முனைப்பில் பதிவர் சர்வேசன் தமிழ்மணைத்தில் இணைத்த இணையப் பக்கம் -

உங்களுக்கு இந்த இணையப் பக்கத்தை அறிமுகம் செய்விக்கவும், ஆரம்பித்த ஒரு நல்ல காரியம் தொடர உங்கள் ஒத்துழைப்பை கோரவுமே இப்பதிவு; நன்றி.

பல்லவபுரம் நகராட்சியின் இணைய தளம்

2010-10-30T14:10:00.000-07:00

சென்னையில் உள்ள பல்லவபுரம் நகராட்சியின் இணைய தளம் மூலம், பிறப்புச் சான்றிதழ் போன்ற தேவைகளை பூர்த்தி செய்து கொள்ள வசதி இருந்தது.

ஆனால், கடந்த ஒரு வருடத்துக்கும் மேலாக, அந்த வசதி முடங்கி உள்ளது.

இணைய வசதி இல்லாததா, நகராட்சி அலுவலகத்துக்கு நேரிலி சென்று, அங்கு இருக்கும் சில அதிகாரிகளிடம் லஞ்சம் கொடுக்க வேண்டிய நிலை ஏற்படுகிறது.

தளம் வேலை செய்யவில்லை என்பதை புகார் கொடுக்க இருக்கும் பக்கமும், சரியாக வேலை செய்யவில்லை.
ஒரு வருடத்திற்கு முன், ஈ.மடலில் ஒரு புகார் அனுப்பியிருந்தேன், அதற்கும் பதிலில்லை.

இன்று http://pgportal.gov.in/ மூலமாக இன்னொரு புகாரும் அனுப்பியிருக்கிறேன்.
Grievance#: GOVTN/E/2010/00215

2010-10-08T01:01:00.000-07:00

*
செல்லூர் ரோடு. நித்தம் நித்தம் கல்லூரிக்குச் சென்ற வழி; ஓய்வு பெற்ற பிறகும் தங்ஸின் பள்ளிக்கு நித்தம் நித்தம் சென்ற வழி.
வழியில் ஒரு ரயில்வே கேட். தாண்டிப் போகும் போது ஏறத்தாழ பாதிக்குப் பாதி தடவை ரயில்வே கேட் மூடியிருக்கும். நம் சுய ஒழுக்கம் இல்லாத மக்களைப் பற்றிச் சொல்ல வேண்டியதில்லை. இரட்டைச் சக்கரக்காரர்களுக்கும், மூன்று சக்கரக்காரர்களுக்கும் எப்போதும் எங்கும் எந்த ஒழுங்கும் கிடையாது. அவர்கள் 'நீச்சலடித்து' கேட்டுக்குப் பக்கத்தில் போய் விடுவார்கள். இவர்களை விட பெரிய கார்கள் - படித்த மேதாவிகள் ஓட்டும் கார்களும் - வரிசை என்று ஒன்றிருப்பதைக் கண்டு கொள்வதேயில்லை. கேட் திறந்ததும் தள்ளு முள்ளுதான். ஆம்புலன்ஸ் வண்டி வந்தால் கூட நம் மக்கள் விலகுவதில்லை. இப்படி அடைத்து வைத்த கேட் திறந்ததும் வரும் mad rush பார்க்கக் கண் கொள்ளா காட்சி. யாரையும் எதுவும் செய்யமுடியாது. தவறாக உங்கள் வண்டியை ஒட்டி யாராவது வந்து, அதை நீங்கள் கொஞ்சம் முறைத்தால் - புது கார் வைத்திருந்த நண்பர் ஒருவருக்கு நடந்தது - முறைக்கப்பட்டவர் ரொம்ப கூலாக, 'என்ன ... உரசி, ஒரு இழு இழுத்துட்டு போகவா?' என்று அன்போடு கேட்பார். எங்கள் தினசரி வாழ்க்கையில் இது ஒரு பெரிய கண்டம். தண்ணீர் கண்டம் மாதிரி இது ஒரு கேட் கண்டம்!

ஆறு ஏழு ஆண்டுகளுக்கு முன் இங்கே ஒரு மேல்பாலம் கட்ட ஆரம்பித்தார்கள். ஆஹா! நல்ல காலமென நினைத்தோம். இதே சமயத்தில் இந்த சாலைக்கு இணையாக வற்றா வைகை நதியின் ஓரம் இன்னொரு சாலை கட்டினார்கள். இந்தப் பாலம் கட்ட ஆரம்பித்ததும் சில பாலத்தூண்கள் அந்த சாலையில் நடுவிலேயே கட்டப்பட்டு அந்த சாலை கேட்பாரற்று வெற்றுச் சாலையாக இன்றும் இருக்கிறது. ரோடு போட்டவன் ரோடு போட்டான்; பாலம் கட்டியவன் பாலம் கட்டினான் .. அவ்வளவு தான். இதுகூட பரவாயில்லை .. இன்னொரு பாலம் - ரயில் பாதைக்கு இணையாக - கட்டினார்கள். அந்த வேடிக்கைக் கதை பற்றி இங்கே பாருங்கள்.

சரி .. ஏதோ ஒரு பாலம் வரப்போகிறதே என்று எல்லோரும் மகிழ்ந்தோம். ஆனாலும் ஏழு ஆண்டுகளாக இன்னும் கட்டிக் கொண்டே இருக்கிறார்கள். நடுவில், இந்த ஆண்டின் ஆரம்பத்தில் ரயில் பாதைக்குக் கீழே, கேட்டுக்குப் பக்கத்தில் ஒரு underground road கட்டினார்கள். விறு விறுவென்று கட்டி முடித்தார்கள். இனி இரு பக்க சாலைகளைச் சரி செய்து விட்டால் சிரமம் குறையுமே என்று நினைத்தோம். கட்டி முடிக்கப்பட்ட road under bridge-யை அப்படியே இன்னும் விட்டு விட்டார்கள். ஏன் அதனைக் கட்டினார்கள்; கட்டியபின் ஏன் விட்டு விட்டுப் போட்டு விட்டார்கள் -- எல்லாம் கேள்விகள் தான். பதில்தான் தெரியவில்லை.

எப்படியோ மேல் பாலம் கட்டிக்கொண்டிருக்கிறார்களே .. அதுவாவது சீக்கிரம் வந்து விடுமென்று நினைத்தோம். ஆனால் நடுவில் நின்று போன பால வேலைகூட ஆரம்பிக்காமல் பல காலம் இருந்தது. மு.க. அழகிரி தான் எம்.பி. ஆனதும் கொடுத்த உறுதிமொழியில் இந்தப் பாலம் விரைவில் கட்டி முடிக்கப்படும் என்பதும் ஒன்று. அவரால் நின்றிருந்த வேலை ஆரம்பித்தது. வரும் நவம்பரில் கட்டி முடிக்கப்படும் என்றார்கள். அதே போல் வேலையும் முடியும் நிலைக்கு வந்து விட்டது. மு.க. அழகிரிக்கு மிக்க நன்றி.

கட்டி முடிக்கப்படும் நிலைக்கு வந்த இந்த நிலையில் இன்னொரு 'யாரைத்தான் நொந்து கொள்வது?' என்ற ஒரு கட்டம். பாலம் கிழக்கு - மேற்காகக் கட்டி முடிக்கப்பட உள்ளது. கிழக்குப் பாக ஆரம்பத்தில் இப்போது உள்ள சாலையில் பாலம் ஆரம்பிப்பதாக திட்டமிட்டு ஆரம்பித்துள்ளார்கள். ஆனால் பாலத்திலிருந்து 50 மீட்டரில் ஒரு பழைய கட்டிடம் இருக்கிறது.முன்பு ஒரு பெரியவர் ஒரு கயிற்றுக் கட்டில் போட்டு படுத்திருப்பார்; பார்த்திருக்கிறேன்.

இன்று அந்தக் கட்டிடத்தை படம் எடுக்கப் போகும்போது அருகில் இருந்த ஆட்டோக்காரரிடம் பேசிக்கொண்டிருந்தேன். அவர் அந்தப் பெரியவர் இறந்து விட்டதாகவும், இப்போது அந்த கட்டிடம் எப்போதும் பூட்டியே கிடப்பதாகவும், அதன் உரிமையாளர் பக்கத்திலேயே வசிக்கிறார் என்றும் சொன்னார். அந்த உரிமையாளர் அந்த இடத்தை அரசுக்கு அளிக்க மறுப்பதால் இப்போது பாலத்தின் ஆரம்பம் ஒரு குளறுபடியான வளைவோடு திருத்தப்படுகிறது. படத்தில் பச்சைக் கோட்டில் நான் காட்டியிருப்பது திட்டமிட்ட படி இப்போது இருக்கும் சாலையையும் பாலத்தையும் இணைக்கக் கூடிய - 10 அடி நீளமுள்ள - ஒரு சின்ன சாலை. ஆனால் இக்கட்டிடம் மறைப்பதால் ஏறத்தாழ 200 அடி நீளத்திற்கும் அதிகமாக அந்தக் கட்டிடத்தைச் சுற்றி ஒரு சாலை புதியதாகப் போடுகிறார்கள். இதனைச் சிகப்பு வண்ணத்தில் காட்டியுள்ளேன்.

இதில் ஒரு நடைமுறைச் சிக்கல். பாலத்திலிருந்து கீழே இறங்கும் ஒரு வண்டி உடனேயே ஒரு வளைவை - ஏறத்தாழ ஒரு U - turnயை - எதிர்கொள்ள வேண்டும். இதுவே போக்குவரத்துக்கு மிக்க இடைஞ்சலாக இருக்கும். இவ்வளவு காலம் எடுத்து ஒரு பாலம் கட்டி முடிக்கிறார்கள். அதன் ஆரம்பமே ஒரு கோணலோடு ஆரம்பிக்கப் போகிறது போலும்!

சில கேள்விகள்:
*** பாலம் கட்ட ஆரம்பிக்கும்போது அந்தக் கட்டிடம் அங்கேயேதான் இருந்தது. திட்டமிட்டவர்கள் ஏன் அந்தக் கட்டிடத்தை அப்போதே 'கண்டு கொள்ளவில்லை?'

*** அந்தக் கட்டிடத்தின் உரிமையாளரிடம் இக்கட்டிடத்திற்குரிய செப்புப் பட்டயம் இருக்கிறதாம். என்ன வேண்டுமானாலும் இருந்து விட்டுப் போகட்டும். இப்போது அரசு அதை கைக்கொள்ள முடியாதா?

*** விரயமான ஒரு கட்டிடம். ஒரு bulldozer பக்கத்தில் போய் நின்று கொஞ்சம் உறுமினாலே அந்தக்கட்டிடம் தானே கீழே விழுந்து விடும். எந்த வித பயனுமின்றி இப்போது இடத்தை மட்டும் அடைத்துக் கொண்டு நிற்கிறது.

*** இப்படிப்பட்ட ஒரு கட்டிடத்தை இடித்துப் புறந்தள்ள அரசுக்கு, அரசு அதிகாரிகளுக்கு, நீதி மன்றத்திற்கு ஆளுமை இல்லையா?

*** அரசியல்வாதிகள், கூலிப்படைகள் தனியார் இடங்களை வளைத்துப் பிடித்து "வாங்கி' விடுவதாக அடிக்கடி செய்தித்தாள்களில் செய்திகள் வருகின்றன. இங்கு பல மக்களின் நலனுக்காக, இடிந்து நிற்கும் ஒரு கட்டிடடம் இருக்கும் இடத்தை அரசால் கைப்பற்ற முடியாதா? இதில் நீதி மன்றத்தின் இடர்பாடு எப்படி வரமுடியும்?

*** தேவையில்லாத இந்த ஒரு இடர்பாட்டை நீக்க எந்த அரசு அதிகாரியும் ஏன் முயலவில்லை? அதற்குரிய வெற்றியைத் தடுப்பது எதுவாக இருக்கும்? அரசு அதிகாரிகள் தான் என்னை பொறுத்தவரை இந்தப் பிரச்சனைக்குத் தீர்வு காண வேண்டியவர்கள். ஆனால் அவர்களுக்கு .. பாவம் .. என்ன பிரச்சனையோ? அவர்களால் முடியாவிட்டாலும் அரசை நிர்ப்பந்தித்து இந்த இடத்தை மீட்க வேண்டியதும் அவர்களின் கடமையே.

மூக்கைத் தொட இந்த சாலையைப் பயன்படுத்தும் நாங்கள் எல்லோரும் தலையைச் சுற்றிதான் மூக்கைத் தொடவேண்டுமா?

**
இதுபோன்ற சில சமூகக் குறைபாடுகளை ' யாரைத்தான் நொந்து கொள்வதோ?" என்ற தலைப்பில் சில பழைய இடுகைகள் உண்டு. அவைகளை இங்கே காணலாம்:

1******

2******

3******

*
திரு ஸ்டாலின், திரு அழகிரி இருவருக்கும் இதை அனுப்பியுள்ளேன். பயனிருந்தால் பின் வந்து சொல்வேன்.

சிங்காரச் சென்னையில் ஒரு போராட்டம்...

2009-07-21T23:50:00.001-07:00

நம்மூரு அரசாங்க இயந்திரம் பல இடத்தில் பழுதடைந்து இருப்பது அனைவரும் அறிந்ததே.

துருபிடித்த அதிகாரிகள் பல இடத்திலும் இருந்து கொண்டு, இயந்திரத்தை ஓட விடாமல் முடம் செய்வதையே தங்கள் தினசரி தொழிலாய் செய்து வருகிறார்கள்.

என்ன காரியம் நடக்கணும்னாலும் அவங்களுக்கு ஆயில் போட்டாதான் நடக்கும் என்ற கேவலம்.

இதில் பெருத்த கொடுமை, ஓரளவுக்கு வசதியாய் இருக்கும் பொதுஜனம் எல்லோரும், ரொம்ப மெனக்கெட விரும்பாம, ஆயில் போட்டு போட்டு இயந்திரத்தை பழக்கப் படுத்திட்டாங்க.

சாதாரண ஒரு மேரேஜ் சர்ட்டிஃபிகேட் வாங்கணும்னாலும் கூட, பிச்சை எடுப்பதை போல், கூனிக் குறுகி, ஒவ்வொரு கவுண்டரா அலஞ்சு அலஞ்சு, ஆயில் போட்டு போட்டு, வேலையை முடித்துக் கொள்ள வேண்டிய அவல நிலை.

ட்ரைவிங் லைசென்ஸ் வாங்கணும்னா, சொல்லவே வேணாம், கூஜா தூக்காத குறையா, அதிகாரிகள் பின்னாடி அலையணும்.

வீடு/நிலம் ரெஜிஸ்ட்டர் பண்ணனும்னா, லஞ்சம் இல்லாம ரெஜிஸ்ட்ரார் அலுவலகத்தின் உள்ளே கூட அனுமதிப்பதில்லை.

இந்த அரசாங்க இயந்திரத்தின் கெட்ட சவகாசமோ என்னமோ தெரியல, இப்பெல்லாம், சில தனியார் நிறுவனங்களிலும் கூட இதே 'துரு' நிலை இருப்பதாய் தெரிகிறது. (BSNL? Airtel?)

சரி, நமக்கு முன்னாடி ஜெனரேஷன் தான், இப்படி துரு பிடிச்சிருக்கு. கழிசடைகள், ஒழிஞ்சு போனா, தானா ஊரு சுபிட்சமாயிடும்னு நெனச்சிட்டு இருந்தா, அவங்களைத் தொடர்ந்து வந்த இளசுகள் கூட, ஆயில் கேட்கும் போதையில் சிக்குண்டு இருக்கிறார்கள்.

ஸோ, கூட்டி கழிச்சு பாத்தா, இப்போதைக்கு நம்ம ஊருக்கு விமோச்சனமே இல்லையோன்னு தோணுது.

நம்ம எல்லாரும், சரியாகர வரைக்கும், இது முற்றுப் புள்ளியில்லாமல் தொடரும். நம்ம வேலைய ஈஸியா முடிச்சுக்க நினச்சு, ஆயில் போட்டுக்கிட்டே இருந்தா, இயந்திரம் அந்தப் பழக்கத்தை மாத்தவே மாத்தாது.

தவறுக்கு துணை நிக்காமல், கொஞ்சமாவது தைரியமா கேள்வி கேட்கப் பழகணும்.

தனியாளா நின்னுகிட்டு, இதெல்லாம் செய்வது கஷ்டம்தான்.

இணையம் இருக்கு, பதிவர் வட்டம் இருக்கு, உங்க அக்கம் பக்கத்தில், like-minded தனி நபர்கள்/குழுக்கள் இருக்கும். இவற்றின் உதவியோடு, அப்பப்ப, ஆயில் போடாமல் வேலையை முடிச்சுக்க முயற்சி பண்ணுங்க.

துரு பிடிச்சிருக்கு, ஆயில் போட்டாதான் வேலை நடக்கும்னு, இயந்திரம் அலம்பு பண்ணா, உப்புக் காகிதம் எடுத்த், துருவை சுரண்டி எடுங்கள். ஆயில் போடவே போடாதீங்க!

Ramesh Sadasivam என்ற பதிவரின், "கிணறு வெட்ட பூதம்" படித்துப் பாருங்கள்.
ரமேஷ், ஆயில் போடாம, உப்புக் காகிதம் போட்டு சுரண்ட ஆரம்பித்திருக்கிறார். சிரமமான வேலையானாலும், இறுதியில் ஜெயம் உண்டாகும்.
முழுவதாக ஜெயம் கிடைக்கலைன்னாலும், கொஞ்சம் துருவாவது சுரண்டி எடுத்த சந்தோஷமாவது கிட்டும்.

சென்னையில் இருப்பவர்கள், 'பெரிய' பதிவியில் இருப்பவர்கள்/இருப்பவர்களைத் தெரிந்தவர்கள், வேறு யோசனை தெரிந்தவர்கள், ரமேஷுக்கு உறுதுணையாய் இருங்கள்.

latest update:
இந்தப் ப்ரச்சனைக்கு ஒரு தீர்வு கிட்டியுள்ளது. ரமேஷ் சதாவிசத்தின் விடாமுயற்சிக்கு வெற்றி கிட்டியுள்ளது. மேல் விவரங்கள் இங்கே - http://thirumbiparkiraen.blogspot.com/2009/08/blog-post_27.html

புகாருக்கு அரசிடம் இருந்து வந்த பதில்

2008-08-14T10:05:00.001-07:00

எங்களின் re-laying of roads - breached contracts என்ற பதிவுக்கு பதில் கிடைத்துள்ளது.
ஆனால், இதன் பலன் முழுதாக எப்பொழுது கிட்டும் என்று சொல்லமுடியவில்லை.

பதிலைப் பார்த்தால், ஒரு சாலை போடும் போது, பழைய சாலையை அகற்றிவிட்டு போடுவது என்பது நம்மூரில் வழக்கில் இல்லாத ஒன்றாகத் தோன்றுகிறது.
இப்பொழுதுதான், அந்த முறையை செயல்படுத்த முயன்று வருகிறார்களாம்.

நல்லது நடந்தால் நல்லதுதான். உடனே நடந்தால் மிக்க நல்லது.

புகாரை விசாரித்து பதில் அனுப்பிய சென்னை கார்ப்பரேஷன் நண்பர்களுக்கு நன்றி!

பி.கு: இந்த பதில் yahoo.co.in முகவரியிலிருந்து வந்தது. அது ஏன்னு புரியல்ல. விவரம் தெரிஞ்சவங்க கீழே உள்ளதை படிச்சிட்டு சொல்லுங்க. நன்றி!

Just saw this on Hindu, regarding re-laying :)

and more info here from Times of India

a tender from Chennai corp for cold milling

========== =============== ====================
From

The Superintending Engineer,
Bus Route Roads Department
Corporation of Chennai,
Ripon Buildings,
Chennai 600 003

To
Th.XXXXX, Chennai Tamilnadu,
E.Mail address surveysan2005@yahoo.com

B.R.R.C.No.B4/2444/2008 Dated: .08.2008

Sub: Tamilnadu Chief Minister’s Cell Petition – Petition No.76384/2008 scrap away the existing road and then lay the new road - Regarding.

Ref: 1) Petition from Th.XXXXX, Chennai, Tamil Nadu addressed to Under Secretary, Department of Administrative Reforms and Public Grievance, (5th Floot, Sardar Patel Bhavan, Parliament Street,) New Delhi – 110 001, and endorsement of C.M. Special Cell dt:20.03.2008.

2) GDC.No.G1/13418/2008 dt:12.07.2008.

*********

With reference to the letter cited, it is stated that process of removing the existing wearing course by scrapping, before relaying of road which is known as COLD MILLING PROCESS) has been taken up by Corporation of Chennai this year on main roads on experimental basis. After seeing the results of scrapping, (Cold Milling Process), this method of relaying of roads, after scrapping the existing layer will be taken up in future in other roads also so that the level of road will not raise.

Superintending Engineer/BRR

Copy to
Special Officer,
Special C.M.Cell
Secretariat,
Chennai – 9

Copy to: GD GDC No.G1/13418/2008
“ C.E. (G) for information

======== ========== =========== ============

எங்க ஊரு காவல்துறையின் "SMART SYS"...தொடர்கதை

2008-03-22T23:49:00.000-07:00

என் பதிவில் இட்ட நாள்: 19.03.2008

இதற்கு முந்திய பதிவில் எங்க ஊரு காவல்துறையின் "Smart sys" என்ற முதல் முயற்சி பற்றி பெருமையாக நான் எழுதிய போது பலரும் அவநம்பிக்கையோடு பின்னூட்டமிட்டார்கள். அதில் கடைசியாக பதிவர் அரவிந்தன், //நீங்க தான் காவல்துறை மேல ரொம்ப நம்பிக்கை வச்சி காமெடி பண்றீங்க.// என்று எழுதியிருந்தார். அவர் வாயில் சர்க்கரைதான் போடணும்.

செம காமெடிதான் பண்ணிட்டேன் !!
என்ன நடந்திச்சின்னா ....

1.sms அனுப்பி ஒரு வாரத்துக்கு மேல் ஆகிப் போச்சு . ஆனா, சொன்ன விஷயம் இதுவரை கண்டுகொள்ளப் படவேயில்லை.

2. அவர்கள் கொடுத்த reference எண்ணை அவர்கள் சொன்னது போல் அதே எண்ணுக்கு நேற்று இரவு அனுப்பினேன். Necessary action is in process என்ற அதே பல்லவி மறுபடி வந்தது.

3. அதோடு விட்டு விடலாமாவென நினைத்தேன்; இருந்தும் என்ன ஆகிறது என்று பார்ப்போமே என்ற எண்ணத்தில் மீண்டும் இப்படி ஒரு sms கொடுத்தேன்:

Automated messaging & answering system is working fine. Nothing more we can expect, I suppose. So sad. இப்படி அனுப்பிய sms-க்கு ன் பழைய பல்லவியான Your message has been received and necessary action is being initiated…...blah…blah என்று வந்தது. புதிதாக இதற்கொரு reference எண்ணும் வந்தது!

4. மறுபடி அந்த reference எண்ணை அனுப்பினேன். பழையபடி - Necessary action is in process என்ற அதே பல்லவி…

5. பொறுமை இழந்து அடுத்து கொடுத்த sms: I’m sorry. Intha vilaiyattukku nan varalai.

6. என்ன ஆச்சரியம். இதுவரை human touch ஏதுமில்லாமல் இருந்த மறுமுனையில் இருந்து உயிர்ப்புடன் ஒரு தொலைபேசி அழைப்பு. பேச ஆரம்பித்ததுமே யார் நீங்கள் என்ற விசாரணை. ஏன் இப்படி ஒரு sms என்ற கேள்வி. அவர் சொன்னதே சொன்னார். நான் அனுப்பிய கோரிக்கை மதுரை நகர் காவல்துறை தொடர்புடையதாம். இவர்களோ மதுரை புறநகர்க்காரர்களாம். என் கோரிக்கையை அனுப்பிவிட்டோம். அவ்வளவுதான் செய்ய முடியும் என்றார். இந்த சேதியையாவது சொல்லாமல் வெறுமனே Automated message அனுப்புவதால் எந்த பயனும் இருக்கப் போவதில்லை என்று நான் கூற, இதில் நாங்கள் ஒன்றும் செய்ய இயலவில்லை என்று அவர்கூற 10-15 நிமிடங்கள் பேசினோம். இப்படி நீண்ட நேரம் பேசுவதற்குப் பதிலாக, reference எண் ஒருவரிடமிருந்து வரும்போது அவரனுப்பிய கோரிக்கையையும், அதற்கு எடுத்த நடவடிக்கை பற்றியும் தகவல் தெரிந்துகொண்டு இதுபோல் நேரடியாக ஓரிரு நிமிடம் பேசினால் கூட போதும்; அதுதான் பயன் என்று நான் சொன்னது அவருக்குப் புரியவில்லையா என்று தெரியவில்லை.

நான் அனுப்பிய கடைசி sms அவருக்குப் பிடிக்கவில்லை என்றாலும் அது இந்த அளவாவது வேலை செய்தது எனக்குப் பிடித்தது! அதோடு வெறும் Automated message மட்டுமே என்றில்லாமல் சிலர் பொறுப்போடு வேலை செய்வது அறிந்ததால் கொஞ்சம் சந்தோஷமே!
பலரிடமிருந்தும் கோரிக்கைகள் நிறைவேற்றப் படுவதால் நன்றி சொல்லி பல குறுஞ்செய்திகள் வருவதாகவும் சொன்னார். நல்லதே நடக்கட்டும்...

சுபம் !

-----------------------------------

இதன் தொடர்பாகவோ என்னவோ இன்னொரு சேதி:
-----------------------------------

முதலமைச்சரின் தனிப்பிரிவு
தலைமைச் செயலகம், சென்னை-600 009
ஒப்புகை கடிதம்

அன்புடையீர்,
தாங்கள் மாண்புகிகு முதலமைச்சர் அவர்களிடம் நேரில் அளித்த மனு / முதலமைச்சரின் தனிப்பிரிவில் அளித்த மனு / சட்டமன்ற மற்றும் பாராளுமன்ற உறுப்பினர்களிடம் அளித்த மனு முதலமைச்சரின் தனிப்பிரிவின் கணினியில் பதிவு செய்யப்பட்டுள்ளது. தங்களது மனு தக்க நடவடிக்கையின் பொருட்டு உரிய அலுவலகத்திற்கு அனுப்பப்பட்டுள்ளது.
-
------------------
Petition No: F / 40178
23.2.2008
Grievance: SUGGESTIONS REG. TRAFFIC REGULATION IN THE AREA NERA MADURAI - REG
Forwarded to:
Distric Officers,
Commr. of Police (in dist)

Sd
For special Officer
------------------

இக்கடிதம் நேற்று 22, மார்ச் எனக்குக் கிடைக்கப் பெற்றது.

நான் நேரடியாக முதலமைச்சரின் தனிப்பிரிவுக்கு ஏதும் அனுப்பவில்லை. எந்தக் கடிதம் இங்கு அனுப்பப்பட்டதென்பதும் தெரியவில்லை. அனேகமாக, மத்திய அரசின் Dept of Grievances-க்கு ஜனவரியில் அனுப்பிய கடிதம் இங்க அனுப்பப்பட்டிருக்கலாமென நினைக்கிறேன்.

Glad wheels are moving...

எங்க ஊரு காவல்துறையின் "SMART SYS"

2008-03-22T23:48:00.000-07:00

"SMART SYS" என்றொரு முறையின் மூலம் பொது மக்கள் காவல்துறையிடம் தங்களது புகார், குறைகள் பற்றி கைத்தொலைபேசிகளின் குறுஞ்செய்தி வசதி மூலம் முறையிட வழி செய்துள்ளனர்.
இவ்வளவு வசதி கொடுத்தால் நாம் சும்மா இருக்கலாமா...?

சனிக்கிழமை மார்ச்,08, 2008 - The Hindu நாளிதழில் இக்குறுஞ்செய்தித் திட்டம் பற்றி வந்துள்ள செய்தியின் தொடுப்பு: http://www.hindu.com/2008/03/08/stories/2008030858180300.htm

இத்திட்டத்திற்கு நான் அன்றே அனுப்பிய என் முதல் குறுஞ்செய்தி:

High time police dpt took strong steps to instil SOME traffic discipline. Else with booming of traffic things will become unclontrollable.

Pray to refer a page of my blog:
http://dharumi.blogspot.com/2006/12/191.html

இத்திட்டத்திற்கு நான் அனுப்பிய என் இரண்டாம் குறுஞ்செய்தி:

I sent a mail to the portal of Public Grievances of Central Govt. on 17.09.'07 regarding the chaotic traffic in Samayanallur-Paravai-Madurai road and got a response saying that S.P. of Madurai has been asked to look into that.

(Please view: http://dharumi.blogspot.com/2007/12/245.html)

In case the metal barricades that are being put up in this road recently are the result of it, I request that they should be made visible in the night with florescent paint. For those in smaller vehicles these barricades are simply INVISIBLE due to very bright headlights of oncoming traffic.

WILL ANYONE ever keep such barricades of this sort on busy roads IF ONLY he would be held RESPONSIBLE for any possible mishaps?

RSVP

ரயில்களில் கழிப்பறைகள் தொடர்பாக...

2008-02-24T09:51:00.000-08:00

என் பதிவில் பதிந்த நாள்: 12/30/2007

மீண்டும் ஒரு வேண்டுகோள்

மத்திய அரசு குறை தீர்க்க அமைத்துள்ள இணைய தளத்தின் hit counter மிகவும் ஆச்சரியமான முறையில் வெகு வெகு வேகமாக கூடிக்கொண்டே போவது மிக்க மகிழ்ச்சியளிக்கிறது.(இந்த நிமிடம் எண்ணிக்கை சரியாக 6000) என் முந்திய பதிவு இடப்படுவற்கு முன் வெறும் 1300-களில் இருந்த எண்ணிக்கை பதிவிட்ட 24 மணி நேரத்திற்குள் 2100-களில் உயர்ந்தது பார்த்து - காக்கா உட்கார பனம்பழம் விழுந்த கதையாக (?) - மகிழ்ந்து போனேன். அந்த எண்ணூத்தி சொச்சம் பேரில் 5% மக்கள் மட்டுமேகூட பதிவிட்டிருந்தாலும் 40 பேருடைய விண்ணப்பங்கள் ஒரே கருத்துக்காக போய்ச் சேர்ந்திருக்கலாமேவென எண்ணினேன். (நெனப்புத்தான்!!!)
எல்லோருமே ஒரே குறையைப் பற்றி எழுதுவதை விடவும் பல குறைகளை எழுதி அவைகளில் சிலவாவது குறைதீர்க்கப் பட்டால் நல்லதுதானே என்ற எண்ணத்தில் இன்னொரு வேண்டுகோளை உங்களிடம் வைக்கின்றேன்.

அடுத்த குறையாக நமது தொடர்வண்டிகளில் இருக்கும் கழிப்பறைகளின் நிலை உங்களுக்குத் தெரியும்தானே; அதைப் பற்றிய ஒரு விண்ணப்பத்தை இந்த இணையதளத்திற்கு அனுப்பியுள்ளேன். ( Registration No. DARPG/E/2007/08851; நகல் கீழே). என் முந்திய பதிவில் இந்த இணைய தளத்திற்கு என் வேண்டுகோளுக்கிணங்கி முதலில் விண்ணப்பம் அனுப்பிய முதல் 5 பேரை மட்டும் இந்த விண்ணப்பம் சார்ந்த கருத்துக்கும் ஒரு விண்ணப்பம் அனுப்ப வேண்டுகிறேன். அவர்கள்:

1. தென்றல்
2. வவ்வால்
3. மாசிலா
4. தெக்ஸ்
5. நாகை சிவா

இப்படி விண்ணப்பம் அனுப்புவதில் நம்பிக்கையும் ஆர்வமும் உள்ள மற்றோருக்கு என் வேண்டுகோள்:

நமக்கென்ன பிரச்சனைகளா இல்லை. அவைகளில் உங்கள் மனதில் தோன்றும் பிரச்சனைகளை நீங்கள் ஏன் பதியக் கூடாது? பலரும் பதிவீர்கள்; பதிவிடவேண்டுமென வேண்டுகிறேன்.

அப்படி நீங்கள் அனுப்பும் உங்கள் விண்ணப்பத்தின் நகல்களை இப்பதிவின் பின்னூட்டத்தில் இட்டால் நம் எல்லோரின் பார்வைக்கு அவைகள் வருவது நலமாயிருக்கும். விண்ணப்பங்களுக்கு வரும் பதில்களையும் (எல்லாமே ஒரு நம்பிக்கைதானே!) இங்கு மீண்டும் பின்னூட்டமாக இட்டால் நலமாயிருக்கும்.

என்னென்னமோ பண்ணியிருக்கோம்; இது பண்ண மாட்டோமா ...?

நான் இன்று அனுப்பிய விண்ணப்பத்தின் நகல்:

Recent media reports say that Indian Railways is one of the very few rail lines in the whole world not to have safe lavatories. What my teacher jokingly said half a century back – a man traveling from Tirunelveli to Delhi with an infected bowel would spread his ‘bug’ to the whole length of the country – still stands sadly true. And it is also a real shame to our growing nation.

IMMEDIATE AND TIME-BOUND STEPS SHOULD BE TAKEN AT THE EARLIEST TO INTRODUCE SAFE SANITARY SYSTEM IN OUR TRAINS. Mode of handling the waste should also be mechanical and safe.

உங்கள் எல்லோருக்கும் ஒரு வேண்டுகோள்

2008-02-24T09:35:00.000-08:00

என் பதிவில் இட்ட நாள்: 12/19/2007

இதோ நம் கையில் ஓர் ஆயுதம் என்றொரு தலைப்பில் பதிவொன்று இட்டிருந்தேன். நம் குறைகளை மத்திய அரசின் துறை ஒன்றுக்கு (Dept. of Administrative Reforms & Public Grievances)அனுப்பினால் அதனை நிவர்த்திக்க முயற்சிகள் மேற்கொள்ளப் படும் என்று தெரிந்து அத்துறைக்கு இரு குறைகளைப் பற்றித் தகவல் அனுப்பியிருந்தேன். இதுவரை ஏதும் பதில் இல்லாததால் 'சரி! அவ்வளவுதான்' என்று நினைத்துக் கொண்டிருந்த வேளையில் இன்று ஒரு பதில் வந்துள்ளது.

THE WHEELS ARE REALLY TURNING

நான் வழக்கமாகச் செல்லும் ஒரு நெடுஞ்சாலை 'விபத்துப் பகுதி' என்று அறிவிக்கப் பட்டிருந்தாலும் அங்கு தாறுமாறாக விரையும் பேருந்துகளைக் கவனிக்கவோ மட்டுப் படுத்தவோ எவ்வித முயற்சியும் இல்லாமை பற்றியும் அதனால் அடிக்கடி நடக்கும் விபத்துகள் பற்றியும் எழுதியிருந்தேன். இதற்கு வந்த பதில் நம் அரசும், அரசு இயந்திரங்களும் 'உருண்டு கொண்டுதான்' இருக்கின்றன என்ற நல்ல செய்தி மிக்க மகிழ்ச்சி தருவதாக உள்ளது. இன்று எனக்கு வந்த அந்த பதில்:

Reply for your e-mail dated 17.09.2007 about Samayanallur-Paravai-Madurai - Road - Reg.

Kindly refer your e-mail dated 17.09.2007 addressed to Govt. of India.

the Superintendent of Police, Madurai has been requested to instruct
the Highway Patrol Police officials to take immediate action against
drivers who are indulging rash driving in Samayanallur-Paravai-Madurai road.

இதில் மிகவும் வருத்தத்திற்குரிய செய்தி என்னவெனில், இன்றுவரை - 19.12.'07 - இத்தளத்திற்குச் சென்று (எட்டிப்) பார்த்தவர்களே வெறும் 1372 பேர் மட்டுமே என்பது கொஞ்சம் ஆச்சரியமாக (வேதனையாகவும் தான்) இருந்தது. இணைய பயனர்கள் மிகுந்து இருக்கும் நம் நாட்டில் இத்தகைய ஒரு நல்ல வசதியை - இணையத்தின் மூலமே நம் குறைகளைக் கூறும் எளிதான இந்த வசதியை - நம்மில் யாரும் பயன்படுத்தாதது ஏமாற்றமே.

என் இரண்டாவதாக முயற்சியாக, மனிதக் கழிவுகள் அகற்றும் வேளை அந்த வேலை செய்து கொண்டிருந்த மூன்று சுத்தித் தொழிலாளர்கள் சென்னையில் இறந்த ஒரு செய்தி பற்றிக் கூறி, மனிதக் கழிவுகளை மனிதர்களே அகற்றும் இழிநிலை மாற அது இயந்திரமாக்கப்பட வேண்டும்; அதற்குரிய முயற்சிகளை ஒவ்வொரு மாநில அரசும் மேற்கொள்ள வேண்டும் என்று முதல் கடிதத்தைத் தொடர்ந்து மற்றொரு கடிதமும் ஏற்கெனவே அனுப்பியுள்ளேன். அதற்குப் பதிலும், பதிலைத் தொடர்ந்த காரியமாற்றலும் நடைபெறாதா என்ற எதிர்பார்ப்பில் உள்ளேன்.

நான் பதிவனாக சேர்ந்த புதிதில் இந்த விஷயம் பற்றிய ஒரு நெடும் விவாதம் பதிவுலகில் நடந்தது. பலரும் இதைப் பற்றி எழுதினார்கள். அப்போதே இதை அடுத்த கட்டத்துக்கு எடுத்துச் செல்வது எப்படியென்றெல்லாம் பேசினோம். இதோ இப்போது நம் கண்முன் உள்ள பாதையில் எல்லோருமாக ஒரு படி முன்னெடுத்தால் என்ன?

உங்கள் எல்லோருக்கும் ஒரு வேண்டுகோள்:

சீரியஸ் பதிவு, சீரியல் பதிவு, கும்மிப் பதிவு, மொக்கப் பதிவு என்று வகைவகையாக பதிவுகளைப் போட்டுக்கொண்டிருக்கும் உங்கள் எல்லோருக்கும் என் ஒரு வேண்டுகோள். இயந்திரமாக்கப் படுதல் அவசியம் என் நீங்களும் நினைப்பின் ஏன் ஒரு மயில் இந்த முகவரிக்கு அனுப்பக் கூடாது?(http://darpg-grievance.nic.in)ஒருவேளை எழுத சோம்பேறித்தனப் பட்டால் உதவுவதற்காக நான் ஏற்கெனவே எழுதிய மயிலின் நகலை இங்கே தந்துள்ளேன் - வெட்டி ஒட்ட!

-----------------

It appears we have at last come out of the bracket of 'developing countries' and at the threshold of being among the developed countries. It is a pround moment for every one of us.

BUT how long we are going to make the dalits to clean and carry the human wastes?

A little money and some great will from our politicians and bureaucrats can make this condition completely changed if we introduce machanised system for doing such jobs.

Is it asking too much to request the governemnt to shell out some money for this and liberate the 'harijans' from this job thrusted on them for generations.

இதோ நம் கைகளில் ஓர் ஆயுதம் ..

2008-02-09T02:30:00.000-08:00

என் பதிவில் இட்ட நாள்: Sept 16, 2007

இது இந்தியாவுல தான் நம்புங்க! என்ற தலைப்பில் ஒரு பதிவிருக்க நம்பாமல் அப்பதிவுக்குச் சென்றேன்.

ஆச்சரியமாக இருக்கு. நான் பார்த்ததை இன்னும் பலருக்கு எடுத்துச் செல்ல என் பதிவில் அப்பதிவிற்கு ஒரு இணைப்பு கொடுக்கிறேன். வாசித்துப் பாருங்கள்; செய்தும் பார்போம்.

ஒரு பெரிய விஷயத்திற்கு எனது மிகச்சிறிய பதிவு ... என்னால் முடிந்தது.

அப்பதிவருக்கு என் நன்றி.

Re-laying of roads - Breached Contracts

2008-01-31T16:13:00.000-08:00

The following will be lodged as a complaint at the public grievance lodging system of our government.

ooooo 00000 ooooo

Respected Sirs,

I want to bring to your attention a strange phenomenon that I am noticing around me in Chennai, TamilNadu. I am sure, the same may be happening in other parts of the country as well.

The roads in residential areas are re-laid once every couple of years.

while, re-laying roads is a good thing, I am noticing that the contractors who re-lay these roads, aren't following their contractual agreements to the word. They are breaching some parts of the contract, and sadly, the inspections are not catching these breaches.

One painful phenomenon is, when roads are bad, I believe, the contractors are suppose to scrape away the existing road and then lay the new road.

I have never seen a contractor scrape and remove the existing road when roads are re-laid near my neighbourhood in Chennai. All they do is level the current surface and then blindly add-on the materials to tar on top of it.

This may not look like such a bad thing, but, over the course of years, when a road is re-layed couple of times, the level of the street raises each time.

The houses surrounding the road goes below the road level, causing numerous issues for its occupants, especially during rainy seasons.

There are lots of houses in Chennai which is partially sunk under the ground level, due to this very issue.

I request your office to follow-up on this and do the needful, to enforce that the current road is scraped off totally before re-laying a new road.

Thanking you,

residents of Chennai,
Tamil Nadu

ooooo 00000 ooooo

~~~~ ~~~~ ~~~~ ~~~~
LATEST UPDATES
~~~~ ~~~~ ~~~~ ~~~~
Feb-4th-2008
Complaint posted @http://darpg-grievance.nic.in/

Registration No: DARPG/E/2008/00686

Hope we get some positive results.
~~~~ ~~~~ ~~~~ ~~~~
Feb-21-2008
Transferred To : Government of Tamil Nadu
Address : Dr.S. Swarna, IAS
Spl Officer to C M Spl Cell
Fort St. George, Secretariat
Chennai
~~~~ ~~~~ ~~~~ ~~~~

Is this a good logo?

2008-01-13T00:39:00.000-08:00

Intent of this site is to highlight and discuss prominant civic issues which affect our everyday lives.

Our voice raised in unison will bring positive results.

Images convey things better than words do.

Is the following a good logo for our purpose?

Fix My India...

2008-01-02T20:44:00.001-08:00

a collective effort by like-minded individuals, to highlight the civic and social issues in our beloved country.